اسحاق ڈارکے کاغذات منظوری پر الیکشن کمیشن سے جواب طلب


لاہور (نیوزلائن) لاہور ہائیکورٹ نے اسحاق ڈارسمیت دیگر لیگی امیدواروں کے کاغذات نامزدگی کی منظوری کے معاملے پر الیکشن کمیشن، ریٹرننگ افسر اوردیگرفریقین سے یکم مارچ تک جواب طلب کرلیا۔ تفصیلات کے مطابق لاہور ہائیکورٹ میں الیکشن ٹربیونل کے فیصلے کیخلاف درخواست پرابتدائی سماعت ہوئی۔ درخواست گزار نے موقف اپنایا کہ سینیٹ الیکشن کیلئے اسحاق ڈاراوردیگرامیدواروں کے کاغذات نامزدگی حقائق کے برعکس منظور کیے گئے۔الیکشن ایکٹ میں ترمیم کے بعد امیدواروں کواثاثہ جات چھپانے کی اجازت دی گئی جبکہ اس ترمیم سے ریٹرننگ افسرکے پاس کاغذات کی جانچ پڑتال کا عمل متاثر ہوا۔ درخواست گزار نے اعتراض اٹھایا کہ اسحاق ڈار اشتہاری ہیں تو پھر الیکشن ٹربیونل نے ان کے کاغذات نامزدگی کیسے منظور کر لیے، دیگر امیدواروں نے بھی اثاثے اوردیگر تفصیلات فراہم نہیں کیں۔ لاہور ہائیکورٹ نے معاملے پر الیکشن کمیشن،ریٹرننگ افسراوردیگرفریقوں سے یکم مارچ تک جواب طلب کرلیا۔

Related posts