سنٹرل داخلہ پالیسی : پی ایم ڈی سی اور کالجز کو 13 دسمبر تک مہلت

لاہور: (نیوزلائن) لاہور ہائیکورٹ نے پی ایم ڈی سی اور میڈیکل کالجز کو سنٹرل داخلہ پالیسی سے متعلق معاملات مل بیٹھ کرحل کرنے کے لیے 13 دسمبر تک کی مہلت دیدی۔ پی ایم ڈی سی کی ایم ایم بی ایس ایس میں سنٹرل داخلہ پالیسی کے خلاف جسٹس شمس محمود مرزا نے کیس کی سماعت کی۔ پالیسی کےت حت سیٹ ٹو کا امتحان پاس کرنیوالے طلبا طالبات پر میڈیکل کالجز میں داخلے لینے پر پابندی لگا دی گئی تھی۔ صرف ایم کیٹ کا امتحان پاس کرنیوالتوں کو داخلہ کی اجازت دی گئی تھی۔ دوران سماعت عدالت کے روبرو فریقین کے وکلا نے بتایا کہ ابھی پی ایم ڈی سی اور میڈیکل کالجز میں داخلوں سے متعلق مذاکرات جاری ہیں جلد درمیانی راستہ نکل آئیگا۔ عدالت نے فریقین کے وکلا کو 13 دسمبر تک جواب جمع کروانے کا حکم دیدیا۔ عدالتی فیصلہ تک میڈیکل کالجز طلبا و طالبات پرانی پالیسی کے تحت داخلہ لے سکتے ہیں۔ سنٹرل داخلہ پالیسی کے خلاف عدالت نے حکم امتناعی جاری کر رکھا تھا۔

Related posts