سپریم کورٹ نے موقف مسترد کردیا نواز شریف مستعفی ہوں:عمران خان

اسلام آباد(نیوزلائن)پی ٹی آئی کے چیئرمین عمران خان نے مطالبہ کیا ہے کہ میاں نواز شریف وزارت عظمیٰ سے مستعفی ہوں۔سپریم کورٹ کے تمام ججز نے نواز شریف کے مؤقف کو مسترد کر دیا ہے دو ججز نے تو واجح لکھا ہے کہ نواز شریف نااہل ہیں چیئرمین تحریک انصاف نے میڈیا سے گفتگو کرتے ہوئے کہا ہے کہ وزیراعظم جے آئی ٹی کی تحقیقات مکمل ہونے تک استعفیٰ دیں۔ وزیر اعظم صادق اور امین نہیں، یہی مطالبہ نواز شریف نے یوسف رضا گیلانی سے کیا تھا۔ 60دنوں میں وزیراعظم کی مزید تلاشی ہو گی۔ تحریک انصاف کے کارکنوں کی وجہ سے اتنی جدوجہد ہوئی انھیں مبارکباد دیتا ہوں۔ انہوں نے مزید کہا کہوزیراعظم کے خلاف کارروائی سے مزید چیزیں سامنے آئیں گی۔ قطری شہزادے کا خط مسترد ہوا، اب حدیبیہ پیپر کیس بھی کھلے گا۔ دو ججز نے وزیر اعظم کو نااہل قرار دینے کا فیصلہ دیا۔ عدالت نے کہا ہے کہ نیب نواز شریف کے سامنے گھٹنے ٹیک چکی ہے۔ وزیراعظم استعفیٰ نہیں دیں گے تو ان کی کیا عزت رہ جائے گی۔

Related posts