حکومتی معاشی پالیسیاں ناکام‘ تجارتی خسارہ 30ارب ڈالر سے تجاوز کر گیا

اسلام آباد(نیوزلائن)مسلم لیگ ن کی معاشی پالیسیاں بری طرح ناکام ثابت ہوئی ہیں اور ملکی معیشت کو انتہائی نقصان پہنچا رہی ہیں۔ حکومت کی ناکام معاشی پالیسیوں کی وجہ سے تجارتی خسارہ پاکستان کی تاریخ کے بدترین درجے پر پہنچ گیا ہے۔ نیوزلائن کے مطابق ملکی تاریخ میں پہلی مرتبہ تجارتی خسارہ 30ارب ڈالر تک پہنچ گیا ہے اور حکومت کو غیر ملکی ادائیگیاں کرنے میں شدید ترین دشواری کا سامنا ہے۔سرکاری اعدادو شمار کے مطابق رواں مالی سال کے گیارہ ماہ کے دوران ملکی درآمدات 48ارب 54کروڑڈالر سے متجاوز ہو گئیں جبکہ برآمدات صرف ساڑھے 18کروڑ ڈالر تک محدود رہیں۔ماہرین کے مطابق 30ارب ڈالر سے زائد کا تجارتی خسارہ حکومت کی ناکام معاشی پالیسیوں کا ثبوت ہے۔حکومت کی معاشی اور توانائی پالیسی نے ملکی صنعتکار اور ایکسپورٹرز کوخاموش بیٹھنے پر مجبور کر دیا ہے۔ ملکی انڈسٹری بند ہو رہی ہے اور تجارتی خسارے میں مسلسل اضافہ ہوگا جو کہ ملکی معیشت کو تباہ و برباد کردے گا۔

Related posts