ایران نے انگریزی زبان پرائمری وچ پڑھان تے پابندی لا دتی


تہران(نیوزلائن)ایران سرکار نے انگریزی زبان پڑھان تے پابندی لا دتی اے۔ اے پابندی انگریزی دی پوری تعلیم تے نئیں لائی گئی پر پرائمری کلاساں وچ پڑھان تے لائی گئی اے۔ ایران سرکار نے ایس پاروں حکم وی جاری کر دتا اے ایس بیان نوں ایران دے سپریم لیڈر آیت اللہ علی خامنائی دی انگریزی زبان تے تنقید دے حوالے نال ویکھیا جارہیا ہے۔ انہاں نے اک بیان وچ آکھیا سی کہ تعلیمی دور دے شروع وچ ہی انگریزی پڑھان نال مغربی رہتل دے غلبیاں دے دروازے کھل جاندے نیں۔ ایران دے قومی ادارے ایجوکیشن کونسل دے سربراہ مہدی نوید ادھام نے سنیچر نوں ریاستی ٹی وی تے دسیا سی کہ سرکاری تے غیر سرکاری سکولاں دے نصاباں وچ انگریزی پڑھان دے حوالے نال قنون دی خلاف ورزیاں نہیں کرن دیاں گے۔ خبر رساں ادارے روئٹرز دے مطابق مہدی نوید ادھام دا کہنا ہے کہ ایہہ ایس لئی کیتا گیا ہے کیونکہ منیا جاندا ہے کہ پرائمری سکولاں دے طالب علماں وچ ایرانی رہتل دی بنیاد نہیں پیندی۔ انہاں دا مزید کہنا سی کہ غیر نصابی انگریزی دی کلاساں تے وی پابندیاں لائی جاسکدیاں نیں۔ ایرانی سرکار نے ایس گل دی تصدیقاں کیتیاں کہ ملک دے پرائمری سکولاں وچ انگریزی زبان پڑھان تے پابندیاں لا د تیاں گیاں نیں۔ اس پاروں ایرانی سرکار دے ترجمان دا کہنا اے پئی پرائمری سکولاں وچ مادری زباناں پڑھاناں وڈا مسئلہ ہے نہ کہ انگریزی۔ ایران دی نوجوان نسل نوں غیرملکی زباناں تے اوہدے اثر توں بچانا سرکار دی ذمہ داری اے تے اے نوں اسی پورا کردے پئے آں

Related posts