رمضان پیکج کے نام پرکروڑوں کی کرپشن ہوتی ہے:انجمن آڑھتیاں


فیصل آباد(نیوزلائن) صدر انجمن آڑھتیاں سبزی و فروٹ منڈی سدھار میاں عامر حنیف نے کہا ہے کہ رمضان پیکیج کے نام پر کروڑوں روپے کی کرپشن ہوتی ہے، لہذا رمضان کے دوران ٹارگٹڈ سبسڈی دی جائے۔انہوں نے کہا کہ رمضان پیکیج میں سستے آٹے کے نام پرپانچ سو روپے فی من سبسڈی دینا پڑتی ہے جس میں زیادہ تر کرپشن کی نذرہوجاتاہے۔انہوں نے حکومت سے مطالبہ کیا کہ سبسڈی پراربوں روپے ضائع کرنے کی بجائے فصلوں کی پیداواری لاگت کوکم کیا جائے۔ کسانوں کو سستی کھاد،پانی،بجلی،ڈیزل،بیج اور زرعی آلات دئیے جائیں۔انہوں نے کہا کہ عالمی منڈی میں گندم کی قیمت دو سو دس ڈالر اورپاکستان میں تین سو پچاس ڈالر فی ٹن ہے۔اس لئے گندم کو برآمد کرنے میں مشکلات کا سامنا ہے۔ گندم کی ایکسپورٹ پالیسی پرنظرثانی کی جائے اورویلیوایڈڈمصنوعات کو ہمسایہ ممالک سمیت دیگر ممالک میں برآمدکرانے کے لئے اقدامات کرے۔

Related posts