شراب پینے سے منع کرنے پر نوجوان نے ماں کو شعلوں کی نذر کر دیا


فیصل آباد(سپیشل رپورٹر)شراب پینے سے منع کرنے پر نوجوان نے اپنی والدہ کو شعلوں کی نذرکردیا۔ خاتون اور گھریلو سامان جل گیا آگ بھجانے کیلئے آنے والا ہمسائیہ بھی جھلس گیا پولیس نے نوجوان کو حراست میں لیکر حوالات بند کردیا تفصیل کے مطابق تھانہ غلام محمد آباد کے علاقہ محلہ عثمان غنی گلی نمبر21 کے رہائشی اکبر کا نوجوان بیٹا افضل شراب کا عادی تھا جو گذشتہ روز شراب پینے میں مصروف تھا کہ اسکی والدہ رضیہ بی بی نے منع کیا تو اس نے گھر میں آگ لگادی آگ لگنے سے گھریلو سامان چلنے کیساتھ ساتھ اسکی والدہ بھی جھلس گی آگ کے شعلے دیکھ کر ان کا ہمسائیہ چالیس سالہ ارشد ولد اشرف آگ بھجانے آیا اور وہ بھی جھلس گیا دونوں کو ہسپتال داخل کروایا گیا پولیس غلام محمد آباد نے موقع پر پہنچ کر افضل کو حراست میں لیتے ہوئے جھلسنے والوں کو جنرل ہسپتال غلام محمد آباد داخل کروایا گیا پولیس ذرائع کا کہنا ہے کہ حراست میں لیے جانے والا افضل بھی معمولی جھلسا ہے۔

Related posts