شجرکاری مہم:فیصل آباد میں سوا کروڑ درخت لگانے کا ٹارگٹ مقرر


فیصل آباد(ندیم جاوید)شجرکاری مہم کے دوران پنجاب میں سوا کروڑ درخت لگانے کا ٹارگٹ مقرر کیا گیا ہے۔ درخت لگانے کیلئے تمام محکموں کو ہدایات جاری کردی گئی ہیں جبکہ عام شہریوں کو بھی رعائتی نرخوں پرپودے فراہم کئے جائیں گے۔ نیوزلائن کے مطابق فیصل آباد سمیت پنجاب بھرمیں رواں شجرکاری مہم کے دوران ایک کروڑ 20لاکھ درخت لگانے کا ٹارگٹ مقرر کیا گیا ہے۔درخت اس حوالے سے محکمہ جنگلات تمام اداروں کو درخت فراہم کرے گا۔ عام شہریوں کو بھی رعائتی نرخوں پر پودوں کی فراہمی کیلئے شہر میں فیصل آباد میں محکمہ جنگلات نے رعائتی نرخوں پر پودوں کی فراہمی کیلئے گیارہ پوائنٹس مقرر کئے ہیں۔ فیصل آباد کی طرح صوبے کے دیگر شہروں میں بھی سیل پوائنٹ بنائے جائیں گے۔ذرائع کے مطابق شجرکاری کیلئے درخت لگانے کے ٹارگٹ میں گزشتہ دو سالوں کی نسبت کمی کی گئی ہے، دو سال قبل ٹارگٹ دو کروڑ درختوں کا تھا جسے پچھلے سال ایک کروڑ چالیس لاکھ کردیا گیا اور اس سال مزید کمی کرکے ایک کروڑ بیس لاکھ کردیا گیا ہے۔