حکمران تیل بم گرا کرمعیشت کو تبا ہ کررہے ہیں: علی احمد گورایہ

فیصل آباد (نیوز لائن) کسان بورڈ کے ضلعی صدرعلی احمدگورایہ نے کہا ہے کہ حکومت تیل بم گرا کرزرعی معیشت کی تباہی کا سبب بن رہی ہے۔ حکمران طبقہ نے پٹرول اورڈیزل بم کا ڈرون حملہ کر کے ستر فی صد کسانوں کی معیشت کا بیڑہ غرق کردیا ہے۔عید الاضحی کے موقع پر تیل کی قیمتوں میں اضافہ کرکے حکمرانوں نے عید کی خوشیاں ماند کر دی ہیں۔ بھارتی آبی دہشت گردی کی وجہ سے کسان پہلے ہی پریشان تھے مگر اب تیل کی قیمتوں میں بے تحاشا اضافہ قریب المرگ زرعی معیشت کیلیے زہر قاتل ثابت ہو گا،کھڑی فصلیں تباہ اور آئیندہ فصلوںکی پیداوار شدید متاثر ہوکر ملک قحط سالی کا شکار ہوجائے گا اور حکمرانوں کی کسان دشمن پالیسیوں کی وجہ سے دم توڑتی ملکی زرعی معیشت تباہ ہو جائے گی۔

Related posts